ਆਪਣੀ ਤਾਂ ਸਿੱਧੀ ਲੜਾਈ ਏ 11.8.16—9.53PM
ਆਪਣੀ ਤਾਂ ਸਿੱਧੀ ਲੜਾਈ ਏ
ਪ੍ਰਮਾਤਮਾ ਦੇ ਕੰਨੀ ਵੀ ਪਾਈ ਏ
ਵਿਆਹੁਣਾ ਤਾਂ ਤੈਨੂੰ ਵਿਆਹੁਣਾ
ਜਾਂ ਬਣ ਕੇ ਰਹਿਣਾ ਸ਼ੁਦਾਈ ਏ
ਗੋਟੇ ਸਿਤਾਰੇ ਦੀ ਟੋਰ ਤਾਂ ਵੇਖ
ਕੁੜਤੀ ਵੀ ਨਵੀਂ ਸਿਲਵਾਈ ਏ
ਕੰਨਾਂ ਵਿਚ ਝੁਮਕੇ ਤੇ ਵਾਲਿਆਂ
ਨੱਕ ਵਿਚ ਨਥ ਵੀ ਕਢਾਈ ਏ
ਵੱਲ ਵੀ ਮੈਂ ਸਿੱਦਰੇ ਕਰਾ ਲਏ ਨੇ
ਵਾਲਾਂ ਨੂੰ ਮੇਹਂਦੀ ਵੀ ਮੈਂ ਲਾਈ ਏ
ਚਸ਼ਮਾ ਚੜ੍ਹਿਆ ਸ਼ਿਖਰ ਵਾਲਾਂ ਤੇ
ਟੌਰ ਆਪਣੀ ਮੈਂ ਨਵੀਂ ਬਣਾਈ ਏ
ਅੱਖਾਂ ਵੀ ਮਟਕਣ ਕਜਰਾ ਲਾ ਕੇ
ਚੇਹਰੇ ਤੇ ਲਾਲੀ ਵੀ ਮਲ ਲਾਈ ਏ
ਹਸਰਤ ਮੇਰੀ ਦਾ ਤੂੰ ਹਾਲ ਨ ਪੂਛ
ਤੈਨੂੰ ਉਡੀਕਦੀ ਕਿੰਝ ਘਬਰਾਈ ਏ
ਵੱਲ ਨ ਪੈ ਜਾਏ ਕੋਈ ਮੇਰੀ ਗੱਲ ਨੂੰ
ਗਰਦਨ ਵੇਖ ਮੈਂ ਸਿਧੀ ਅਕੜਾਈ ਏ
ਸੰਗਲੀ ਸੋਨੇ ਦੀ ਮੂਲ ਲਈ ਵੇ ਬੀਬਾ
ਤੇਰੇ ਖੂੰਟੇ ਤੇ ਬਨਣ ਕਸਰ ਥਾਂਈ ਏ
ਅਥਰੂ ਰੋਕ ਕੇ ਖੜ ਗਈ ਉਡੀਕਦੀ
ਬੱਸ ਜਿਵੈਂ ਤੇਰੀਏ ਆਈ ਤੇ ਆਈ ਏ
ਮੈਨੂੰ ਨ ਰੋਕੀਂ ਕਿਤੇ ਮੇਰਾ ਸਾਹ ਰੁਕ ਜੈ
ਲੈਣੀ ਨ ਪਵੇ ਭਾਂਵੇ ਅੰਤਿਮ ਵਿਦਾਈ ਏ
ਲੈਣੀ ਨ ਪਵੇ ਭਾਂਵੇ ਅੰਤਿਮ ਵਿਦਾਈ ਏ
....................... ਅੰਤਿਮ ਵਿਦਾਈ ਏ
Poet: Amrit Pal Singh Gogia “Pali”
No comments:
Post a Comment